Ove godine, 2004 na Velu Gospu, to oće reć petnaesti osmoga u Velome Drveniku dogodilo se je šta se nikad prije ni dogodilo. Malo čudo i mirakul.
Šunilo je Nikši Babićevu napravit parti, i to ne bilo kaki, nego haus parti.
Da bi to šta bolje izveja, posudija je u onoga tehniku, u onoga drugoga letriku, a svin tin čudesiman smisal i dušu da je di đej Đildo, po koga se išlo lipo na Šoltu. U niku uru na Artiću oko spomenika, kad su finile svetkovine, izložbe i deračina iz "Ludih godin", počeja je san inicijator, rečeni Nikša, parti, laganon miks uvertiron klapske pisme, čimen je očepija uši i rastvorija dušu za ono čimen je Đildo mislija zabavit publku. Tih koji su došli se zabavit bilo je, more bit, i priko osandeseeeet, šta dičine, šta zeru starijega svita, a svi dobre volje i ka da su cili život tili balat, a nisu in dali.
Feštu su začinile tri bengalke, jušto svaka u pravo vrime.
Sve se odvijalo spontano i provizorno, a u najboljemu redu; di đej je skužija publiku i misto di svira i sve se sklopilo u pravomen formatu. Onda su mlaji išli leć, a ostali su ostali do jutra, šta govori u prilog činjenici da je sve vezano uz ovi parti bilo rekordno; rekord je to ča je ovo prvi u nizu od ko zna koliko budućih partija koji će se održavat u isto vrime i na istome mistu, svaku narednu godinu.
Rekord je isto i masa svita koja se skupila na jednome mistu naza puno vrimena (a da to nije dolazak vapora u petak, oli misa).
Ipak najveći rekord je ti da je sve prošlo vrhunski i civilizirano, bez štete, požara i ozlijeđenih.
Organizatoru čista petica, a himbenome dilu mista palac doli.